مه‌نوچێر موته‌كی وه‌زیری ده‌ره‌وه‌ی ئێران ئه‌مرۆ به‌یانی بۆ ده‌ستپێكردنه‌وه‌ی خولی دووهه‌می گوفتگۆكان چاوی به‌ عه‌لی باباجان هاوتای توركی خۆی كه‌وت.

به‌رپرسێكی حیزبی میللی میسر، سه‌رقاڵی دروستكردنی فیلمێكه‌ له‌سه‌ر بیرۆكه‌ تیرۆریستیه‌كانی خومه‌ینی و ئه‌مه‌ش به‌ وه‌ڵامی فیلمی ئێرانی "له‌ سێداره‌دانی فیرعه‌ون" ده‌زانێ.

داواكاری گشتی توركیا 86 كه‌سی به‌ هه‌وڵدانی كود‌تا له‌ دژی حكومه‌ته‌كه‌ی ئه‌ردۆغان تۆمه‌تبار كرد. 

له‌ پێنجه‌مین ساڵڤه‌گه‌ری كوشتنی رۆژنامه‌نووسی ئێرانی –كه‌نه‌دایی، رێكخراوی ریپۆرته‌رانی بێ سنوور خوازیاری سزادانی بكوژانی "زه‌هرا كازمی"ین.

ماڵپه‌رێكی ئینتێرنێتی كورده‌كانی باكوور كه‌ له‌ ناوخۆی وڵاته‌وه‌ به‌رێوه‌ده‌چێ ناوی 4 گوڤار و رۆژنامه‌ی هێناوه‌ته‌وه‌ كه‌ ده‌زگای سیخۆری توركیا یارمه‌تی داراییان ده‌كات.

  ئینتێرناسیۆناڵ‌ سۆسیالیست رایگه‌یاند، به‌ هۆی‌ ئه‌وه‌ی‌ كه‌ سیاسه‌ته‌كانی‌ پارتی‌ گه‌لی‌ كۆماری‌ (CHP)ی‌ توركیا‌ له‌گه‌ڵ‌ سیاسه‌ته‌كانی‌ ئه‌م رێكخراوه‌دا ناگونجێ‌، بۆ هۆشیاركردنه‌وه‌ی ئه‌و حیزبه‌ پێشنیارنامه‌یه‌ك بۆ كۆنگره‌ی‌ 23هه‌می‌ رێكخراوی‌ ناوبراو به‌رهه‌ڤـ ئاماده‌ ده‌كرێت.

دوای په‌سه‌ندكردنی گه‌مارۆی زیاتر له‌سه‌ر ئێران له‌ لایه‌ن یه‌كیه‌تی ئه‌وروپاوه‌، وه‌زاره‌تی ده‌ره‌وه‌ی ئێران هۆشداری تێكچوونی په‌یوه‌ندییه‌كانی له‌گه‌ڵ ئه‌و یه‌كیه‌تییه‌ ده‌كات.

بریاره‌ له‌ ئه‌مرۆ یه‌كشه‌ممه‌وه‌، كۆمه‌ڵێك له‌ پسپۆرانی ئاژانسی نێوده‌وڵه‌تی وزه‌ی ئه‌تۆمی ده‌ست به‌ تاوتۆكردنی به‌رنامه‌كانی ناوه‌كی سوریا بكه‌ن.

ئیمامی هه‌ینی مه‌شه‌د پێی وایه‌ كه‌ ژن نابێ روخساری خۆی ته‌نانه‌ت پێشاندی پیاوه‌كی بدات و ناو ماڵه‌وه‌ باشترین شوێنه‌ بۆ ژن.

رۆژنامه‌ی نیۆیۆرك تایمز له‌ زمانی به‌رپرسێكی ئه‌مریكایی ئاشكرای كردووه‌، ئیسرائیل سه‌رقاڵی خۆ ئاماده‌كردن بۆ هێرشێكی سه‌ربازی بۆ سه‌ر بنكه‌ ناوه‌كییه‌كانی ئێرانه‌.

له‌ به‌ندیخانه‌ی به‌نده‌ر عه‌باس، كه‌سێكی ته‌مه‌ن 27 ساڵانه‌ له‌ سێداره‌ درا.

له‌ رێگه‌ی بڵاوكردنه‌وه‌ی فیلمێك له‌ كه‌ناڵی "العربیه‌"، بزوتنه‌وه‌ی به‌رگری جه‌ماوه‌ری ئێران (جوندوڵا) هه‌ره‌شه‌ی كوشتنی بارمته‌كانی دیكه‌ی ئێرانی ده‌كات.

بوله‌ند ئه‌رسۆی، گۆرانیبێژی به‌ناوبانگی تورك، كه‌ به‌تاوانی لێدوان دژی سوپای ئه‌و وڵاته‌ دادگایی ده‌كرێ، بریار بوو دوێنێ دادگاییه‌كه‌ی به‌رێوه‌بچێت،به‌ هۆی ئاماده‌نه‌بوونی ئه‌و گۆرانیبێژه‌، دادگاییه‌كه‌ بۆ كاتێكی دیكه‌ دواخرا.

به‌رپرسێكی دادوه‌ری كۆماری ئیسلامی ده‌ستگیركردنی دوو نوێنه‌ری مه‌جلیسی ئه‌و وڵاته‌ی به‌ تاوانی ده‌ستدرێژی سێكسی پشت راست كرده‌‌وه‌ و بوونی چه‌ندین دۆسیه‌ی دیكه‌شی له‌و چه‌شنه‌ راگه‌یاند.

دوای قه‌ده‌غه‌كردنی سه‌رپۆش له‌ لایه‌ن دادگای باڵای یاسای بنه‌ره‌تی توركیا، لوتفوڵا سافی گوڵپایه‌گانی، له‌ په‌یامێكدا ره‌خنه‌ی له‌ لائیكه‌كانی توركیا گرتووه‌ و خوازیاری ره‌چاوكردنی مافی موسلمانانی ئه‌و وڵاته‌ بووه‌.